کم عمر معشوقہ کی خود کشی ‘ عاشق نے بھی پھانسی لے لی

حیدرآباد۔5فروری( اعتماد نیوز) کم عمر معشوقہ کی خود کشی کے اندرون 24 گھنٹے عاشق نے بھی پھانسی لے لی ۔ تفصیلات کے مطابق معین آباد پولیس نے بتایا کہ ناگی ریڈی گوڑہ کی رہنے والی 15سالہ نونیتا ،عزیز نگر کے ضلع پریشد ہائی اسکول میں نویں جماعت میں زیر تعلیم تھی۔وہ اور اس کا رشتہ دار 18 سالہ سریش ایک دوسرے سے محبت کرتے تھے ۔اس بات کی اطلاع لڑکے کے گھر والوں کو ہوگئی ۔لڑکے کی ماں



انڈالو نے کل نونیتا کو فون کر کے ڈانٹا ۔لڑکی خوفزدہ ہوگئی اور محبت کے معاملہ کا انکشاف ہوجانے پر اس نے اپنے مکان میں پھانسی لے لی ۔ آج صبح سے نوجوان کافی مایوس تھا اور شام کے وقت اس نے بھی پھانسی لے لی ۔ معین آباد پولیس نے لڑکی کی نعش کو بعد پوسٹ مارٹم ورثاء کے حوالہ کردیا اور سریش کی نعش کو پوسٹ مارٹم کی غرض سے عثمانیہ ہاسپٹل کے مردہ خانہ میں محفوظ کروادیا گیا ہے ۔